Seite:Michael Hummelberger. Eine biographische Skizze.djvu/38

aus Wikisource, der freien Quellensammlung
Zur Navigation springen Zur Suche springen
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

mitto, potissimum ut te mihi nusquam gentium non curae esse certo scias, cuius memoria mihi non minus iucunda quam frequens. Sed nunc epitaphium lege.

Hieronymus Savonarola Divi Dominici non flamen pius sed flamma impia. Inauspicatae garrulitatis concionator, postquam simulatae praestigiis sanctimoniae Florentiam diu ludificatus est, strangulatus, combustus. nequissima nequissimis umbris victima corruit. Viator, tanquam canis Aegyptios legito fugiens; sub nocentissimo namque cinere praesentissimum virus latitat

Quis iacet hic? scelus est nomen dare: femina vel vir?
     Vir malus inferna dignus ave et lapide.
Cur? coluit caedes, incendia, vulnera. Tantum
     Unde scelus? nullos credidit esse deos.
Quo periit fato? flammis. Hieronymus hic est,
     Proditor, impostor. nosco licet taceas,
Maxima non latitat virtus, non crimina, praebet
     Ille boni titulos nominis, ille mali.

Rogo commune facias hoc suavissimo praeceptori meo Jacobo Fabro Stapulensi, cui me pariter commendabis. Roberto Fortunato de sacris musis optime merito meo nomine multam dicas salutem. Vale musice, et me, ut assoles, mutuiter ama. Ravenspurgi III Eidus Januarias M. D. XII.


XV.
Jodocus Badius Ascensius Mich. Humelbergio S. S.

Dulcissima est mihi amicitia tua et ista memoria mei atque utinam quoties velim paria facere detur. Dabitur autem diis propitiis aliquando. Nam iam nunc nescio quid tibi destino, animo inquam concepi (nam mittere vix tutum sit) quo tui memor comprober. Praescripsi ut recepi annotationes nomini tuo. Dedi Ausonios cui commiseras et quot petierat. Sunt mihi missa ab Erasmo Roterodamo compluscula ut copia Latinae linguae, Tragoediae Euripidis et Senecae recognitae. Aliquot Dialogi Luciani nuper tralati et priores recogniti cum Moria et quibusdam aliisque proximo quoque tempore auspicabor imprimere. Absolvi opera

Empfohlene Zitierweise:
Adalbert Horawitz: Michael Hummelberger. Eine biographische Skizze. S. Calvary & Co., Berlin 1875, Seite 38. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Michael_Hummelberger._Eine_biographische_Skizze.djvu/38&oldid=- (Version vom 1.8.2018)