er fragen ein vrteil ob man dez der vorbenanten seiner Frawen von Nazzawe ainen brif geben solt von geriht. der warde ir erteilt vnd geben versigelt mit vnsers gerichtz insigel daz dar an hange. Geben an sant kylians tag. do man zalt von gotz geburt drwzenhundert iar vnd in dem fünf vnd dreizzigstem iar.
Wir Friderich von Gots gnaden Burgrfe zu Nurenberg bekenn vnd toun kunt offenlichen mit disem brief, daz wir haben angesehn göttliches löbliches vnd gaistliches leben der ersamen Frawen der Priorin, vnd der sammung dez Closters zu sant Claren grawes Parfüssen orden zu Nurenberg in Babenberger Bistum gelegen, vnd haben in vnd irem closter ewiclichen geaygent vnd aygen auch in mit kraft ditz briefes, die gout die sie gekaufft haben zou Jacoben Pucken. vnd Bertholten Pücken gelegen zu kuhtzendorf da aufsitzen Herman Staude vnd Seutz daum die Jerlichen geben sehs sumer korns on ein vier tail vnd ain summ haben, viertzehen Kese, vier Herbst Hüner vnd vier vasnacht Huner vnd hundert vnd zehen ayr, daz alles von vns zu lehen ruret, vnd dieselben gült vnd gout sol die edel vnser Liebe Muome Junchfraw Margareht von Nassawe swester dez egenant Closters innan haben. vnd niezzen ir lebtag, on alles hindern. vnd wenn sie tod ist, so süllen die egenant gult vnd gut mit allen iren zu gehörungen vnd rehten als sie die
Anonym: Von dem Aufenthalt und den Besitzungen der Grafen von Nassau in Franken in: Journal von und für Franken, Band 6. Raw, Nürnberg 1793, Seite 458. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Von_dem_Aufenthalt_und_den_Besitzungen_der_Grafen_von_Nassau_in_Franken_(Teil_2).pdf/35&oldid=- (Version vom 1.8.2018)
