Si hat lieb ein kleines vogellin (Mit originalen Lettern)

Si hat lieb ein kleines vogellin·
dc ſi ſinget vn̄ ein lútzel nah ir ſpꝛeche kan·
ſolt ich dem gelichen ir heinlich ſin·
ſo ſwuͤre ich wol des dc nie frowe beſſern vogel gewan·
fúr die nahtegal wolt ich ir hohe ſingē an·
owe h̾zeliebe frowe min·
nv bin ich doch din·
maht dv troͤſten mich vil ſenden man·

Iſt ir lieb min leit vn̄ min vngemach·
wie koͤnde ich danne iemer mere rehte w̾deI fro·
ſine getrurte nie ſwas ſo mir geſchah·
klaget ich ir min lamer ſo ſtůnt ir daſ h̾ze ho·
ſi iſt noch húte voꝛ den ǒgen min als ſi was do·
do ſi mīnekliche mir zů ſpꝛach·
vn̄ ich ſi anſach·
owe ſolt ich iemer ſten alſo·

Si iſt mit tvgende vn̄ mit ſtetekeit·
wol behv̊t voꝛ aller vnfrǒwelicher tat·
was des eine dc ſi mir v̾ſeit·
ir genade vn̄ dc ſi mich alſo v̾derben lat·
wol mich des dc ſi min h̾ze alſo beſeſſē hat·
vn̄ dú ſtat iſt nienen me bereit· vmbe
ein har alſo bꝛeit·
ſo dú rehte liebe mich beſtat·