Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[78r]
Sin hies mir nie wider ſagē·
vn̄ warb ie doch
vn̄ wirbet noh húte vf den ſchaden min·
des enmac ich langer niht v̾dagen·
wan ſi wil ie noch
ellú lant behern vn̄ ein rǒb̾inne ſin·
dc machēt alle ir tvgende vn̄ ir ſchoͤne die mengē man tv̊nt we·
der ſi an ſiht der mv̊s ir gevāgen ſin vn̄ in ſoꝛgen leben iemer me·
IN dien dingen ich ir dienſt man·
vn̄ ir eigen was do
do ich ſi dvr trúwe vn̄ dvr gůt an ſach·
do kan ſi mit ir mīnen an·
vn̄ vieng mich alſo
do ſi mich wol grůſte vn̄ wider mich ſo ſpꝛach·
des bin ich an froͤiden ſiech vn̄ an h̾zen ſere wunt·
vn̄ ir ǒgen clar dv́ hant mich berǒbet gar vn̄ ir roſevarwer roter mvnt·
