Sit als vngelǒbet (Mit aufgelösten Abbreviaturen)
[311v]
Sit als vngelǒbet·
stet der walt wa nement die vogele dach·
da sie sint betǒbet·
da nam ich ǒch ê den vngemach·
swenn[WS 1] in kumet dc si der winter rǒbet·
dc mich frěwite dú mir froͤide brach·
Wolde sich dú gůte·
noh bedenken nah dem dieneste min·
fvnde ichs in dem mv̊te·
dc si mir den willen tete schin·
irret aber sis danne anders iemens hůte·
vber den wold[WS 2] ich danne der bittende sin·
ICh wande vngemvͤte·
swunde mir da von dc si ist gůt·
nv wil mich ir guͤte·
machen vngemv̊t·
got vor wibes v́ble mich behvͤte·
sit ir guͤte mir so leide tůt·
ER mag wol verderben·
swer mit v́blen winben vmbe gât·
wand ich moͤhte ersterben·
sit ir guͤte mich des niht erlât·
ich enmvͤsse vmbe si mit trúwen werben·
dú mich doch in vngenaden hat·