Sit als vngelǒbet (Mit originalen Lettern)
[311v]
Sit als vngelǒbet·
ſtet d̾ walt wa nemēt die vogele dach·
da ſie ſint betǒbet·
da nā ich ǒch ê dē vngemach·
ſwenn[WS 1] in kumet dc ſi der wint̾ rǒbet·
dc mich frěwite dú mir froͤide bꝛach·
Wolde ſich dú gůte·
noh bedēkē nah dem dieneſte min·
fvnde ichs in dē mv̊te·
dc ſi mir dē willē tete ſchin·
irret ab̾ ſis dāne and̾s iemens hůte·
vber dē wold[WS 2] ich danne der bittende ſin·
ICh wande vngemvͤte·
ſwūde mir da vō dc ſi iſt gůt·
nv wil mich ir guͤte·
machē vngemv̊t·
got voꝛ wibes v́ble mich behvͤte·
ſit ir guͤte mir ſo leide tůt·
ER mag wol v̾derbē·
ſw̾ mit v́blē wībē vmbe gât·
wand ich moͤhte erſt̾bē·
ſit ir guͤte mich des niht erlât·
ich enmvͤſſe vmbe ſi mit trúwē w̾bē·
dú mich doch ī vngenadē hat·