Stammbuch berümpter Fürsten, Graffen vnnd Herren Geschlechter:Seite 43

aus Wikisource, der freien Quellensammlung
Zur Navigation springen Zur Suche springen
<<<Vorherige Seite Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter Nächste Seite>>>
Hoppenrod Stammbuch 043.jpg
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.



einsichern Paß vnnd durchzug / vom Graffen zuo Schwartzburg vnnd Stolberg / wiewol man sagt / das sie es mehr mit dem Graffen / denn mit dem Bischof gehalten / ja jhme volck zuogeschickt vnnd fürschupff gethan sollen haben. Nuon hatte der Graffe sein volvk inn bequeme orth verstecket / da nuon der Bischoff daher zog / fielen sie herfür / stachen / wurgeten wen sie antraffen / da wurden jhr bey 300 gefangen / die sich mit grossem gelde loesen muosten. Der Bischoff ward durch ein schenckel geschossen vnnd kundt kaume entkommen. Saxo. lib. 11. cap. 28.

Man sagt dise Niderlag sol geschehen sein bey dem Dorff Offderung / dauon noch die Straß durch den berg / der Toden weg genannt würt. Vnnd seind dise verßlein dauon gemacht.

Bis duo C post M Burckhard Tringintaque septem
     Semipolis Ciues, sed & armigeros & heriles
Hohnstein prostrabat, uinclis iniuste grauabat,
     Huius consortes Stolberck Schuuartzburgß Cohortes. Das ist.

Als viertzehen hundert geschrieben ward
     Auch sieben vnd dreissig / ist Burckhard /
So ein Bischoff war zuo Halberstatt /
     Sampt seinem volck vnnd Rittern gradt /
Vom herrn zuo Hohnstein so erlegt
     Das wer da kund / zuor fluecht sich regt /
Da warn erschlagen viel im feld /
     Viel loeßten sich mit grossem gelt /
Der Bischoff kriegt inns bein ein Schoß /
     Schwartzburg / Stolberg warn mitgenoß
Des herren von dem Hohnstein /
     Es galt nur dem Bischoff allein.

Anno 1486 ist Graff Ernst von Hohnstein auf dem Thurnier zuo Bamberg gewesen.

Jr wappen seind weisse vnd Rothe Schachtfelde / oder balcke vbereinander geschrenckt / die viel viereckter felde machen. Seind auch herrn zuo Lhara.

Jre Genealogia sol dise sein.
 
 
 
 
N.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Adelgerus 1. Graffe zuo Bilstein / sein Weib Bertrada / oder Gerdraut von Kirchberg.
 
 
 
 
 
Ludwig herr zuo Lora / ist inn dem kriege / den Hertzog Vlrich wider den Koenig zuo Behem gefuert / vmb kommen Anno 1126.
 
 
 
 
 
 
 
 
 
 
 
 
a