Stammbuch berümpter Fürsten, Graffen vnnd Herren Geschlechter:Seite 47

aus Wikisource, der freien Quellensammlung
Zur Navigation springen Zur Suche springen
<<<Vorherige Seite Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter Nächste Seite>>>
Hoppenrod Stammbuch 047.jpg
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.



Homburg / Eine herrschafft vor zeiten.

Anno 996 ist Heinrich herr zuo Homburg auff dem Thurnir zuo Braunschweig gewesen.

Anno 1174 hat Adelock der 24 Bischoff zuo Hildesheym / dise herrschafft ans Stifft bracht / durch einen rechten kauff / mit bewilligung Keysers Fridericj. Brusch. uita huius epis.

Es haben aber die Bischoff dise herrschafft nicht lange behalten / sondern andere damit belehnet / wie dem Anno 1342 gewesen ist ein herr von Homburg mit Hertzog Albrecht dem Bischoff zuo Halberstat / als der selbige das Kloster Helffta bey Eyßleben geplündert vnd verbrant hat.

Anno 1371 hat gelebt Graff Hanß von Homburg / welcher ist für Lüneburg schaendlichen mit vilen guoten leüten ermordet worden. Chro. Saxo.

Hertzog Friderich / Hertzog Ernsten zuo Braunschweig Son (nepos Heinrici mirabilis) hat zuor Ehe gehabt Fraw Elisabethen geborne Graeffin zuo Homburg.

Anno 1435 haben die Hertzogen von Braunschweig dise herrschafft vom Stifft Hildesheim vnder sich bracht. Chro. Saxo.

Horstmar / Eine herrschaft inn Westphlaen hat vor zeitten reiche Graffen vnd herrn gehabt / der letste herr sol gantz guetig vnd frumm gewesen sein / das jhn auch beydes Heyden vnd Christen haben leiden koennen. Der Bischoff von Münster hat dise herrschafft vielleichte auß milter vbergebung des frummen herrns an sich bracht. Hamel.

Hioa / Eine herrschafft inn vndern Sachsen / vmb das 1190 jar hat sie jhren anfang bekommen / schreibt Crantz in Metrop. lib. 7. cap. 18.

Anno 1208 hat gelebet Graff Heinrich von der Hoia / ist gezogen wider die Stedinge / die als reüber waren / vnd hat jr vil erschlagen. Metrop. lib. 7. cap. 33.

Anno 1254 ist Gebhart der 33 Bischoff zuo Verden worden / ein Graff von der Hioa. Metrop. lib. 8. cap. 4.