Stammbuch berümpter Fürsten, Graffen vnnd Herren Geschlechter:Seite 79

aus Wikisource, der freien Quellensammlung
Zur Navigation springen Zur Suche springen
<<<Vorherige Seite Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter Nächste Seite>>>
Hoppenrod Stammbuch 079.jpg
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.



Anno 1330 vngefaehrlich ist Graff Otto von Retberg Bischoff zuo Münster worden. Metrop. lib. 9. cap. 22.

Anno 1470 ist Bischoff zuo Minden worden Graff Otto von Retberg. lib. 11. cap. 32.

Anno 1385 ist Graff Otto von Retberg mit im Westphaelischen bunde gewesen.

Margretha von Retberg ist Hertzog Friderichs zuo Braunschweig (welcher Hertzog Wilhelms jetzigen hertzog Erichs großvatters bruoder war) ander gemahel gewesen.

Anno 1500 hat sich ein boeser vnnd schaedlicher krieg erhaben zwischen der stat Hildeßheim vnd jrem Bischoff / von wegen etlicher gerechtigkeit / die der Bischoff mehr / denn seine vorfahrn gehabt / haben wolte. Der stat fielen bey andere Saechsische stette / denn sie gedachten es moechte solch exempel einreissen / vnnd sie dermal eins auch betreffen / Dem Bischoff aber zog zuo der Hertzog von Braunschweig Heinricus hertzog Wilhelms son. Nun hatten die stette den Graffen von Retberg vmb den sold angenommen zuom Obersten / den vmbringet der Hertzog mit seinem volcke im felde / vnd nimbt sie alle gefangen. Metrop. lib. 12. cap. 17. &. in Saxo. lib. 12. cap. 36.

Vmb die selbige zeit ist Bischoff worden zuo Osnabruck Graff Cuonrad von Retberg. Crantz lobt jhn sehr lib. 12. cap. 21.

Reuenung / eine herrschafft vor zeiten gelegen am gesaltzenen sehe inn der herrschafft Manßfeld / heüt zuo tage heißt der orth Reblingen.

Als Norbertus Ertzbischoff zuo Magdeburg war / welcher den Titel des Primars inn Germanien dem Bisthumb vom Keyser Lothario erlangte / hat gelebt Graff Otto von Reuenung / bey dem hat obgenannter Bischoff angehalten / vnd erlanget / das er stifftet das Kloster die Gotts gnad bey Calbe. Anno 1127. Annales Mag.

Der letste Graff zuo Reuenung sol das Kloster zuom Newenwerck für Halle gestifftet haben. Anno 1230.

M. Cyriacus Spangenberg würt sonder zweiffel hieuon auch weittern bericht thuon inn seiner Chronica.

Also aber muegen sie nach einander gefolget sein.