Stammbuch berümpter Fürsten, Graffen vnnd Herren Geschlechter:Seite 89

aus Wikisource, der freien Quellensammlung
Zur Navigation springen Zur Suche springen
<<<Vorherige Seite Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter Nächste Seite>>>
Hoppenrod Stammbuch 089.jpg
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.



Das Wappen seind zehen balcken die zwerg geleget im Schilte.

Spiegelberg / Eine Graffschafft inn Westphalen.

Anno 996 ist Wernher Graff zuo Spiegelberg / auff dem Thurnier zuo Braunschweig gewesen.

Anno 1434 haben Hertzog Otto vnnd Friderich von Lüneburg / Heinrich vnnd Wilhelm von Braunschweig / vnd Hertzog Otto an den Leyna / den Graffen von Spiegelberg mit krieg angegriffen / darumb das er für einen offentlichen Strassenreüber von jedermenniglichen gehalten ward / vnnd ob nuon gleich der Graffe huelffe hatte von Fürsten vnd Herrn / ist er doch endlichen für der stat Rentelen / da er sie stürmet / mit einem Pfeyl getroffen / das er sterben muoste. lib. 11. cap. 24. Saxo.

Bischoff Wilhelm zuo Badeborn / hat die Graffen zuo Spiegelberg auch geschlagen. Metrop. lib. 11. cap. 16.

Item es ist erschlagen der Graff von Spiegelberg im kriege für Gruonde / den die Stiffts genossen von Hildeßheim fuerten wider Hertzog Wilhelm von Braunschweig. Metrop. lib. 11. cap. 27.

Philippus ist der letste Graff gewesen / hat eine schwester hinder sich verlassen Vrsula / die hat gefreyet Graff Herman Simon von der Lippe / vnnd ist durch sie ein herr zuo Spiegelberg vnnd Pyrmont worden.

Staden / Eine alte stat inn Sachsen / am arme des Meers gelegen / ist vor zeiten eine Graffschafft gewesen / Keyser Carolus der groß / hat sie der Kirchen zuo Bremen vndergeben. Aber weil sie der Kirche daselbst nicht hat für den wuesten Wenden verthaedigen koennen / haben die herrn von Sachsen sie zuo jhren haenden genommen / damit die Elbe daselbst für den Wenden verschlossen würde / biß Henricus Auceps der Sachse ist Keyser worden. Da hat er einen Kriegshauptmann dahin gesetzt / Johannes genannt / vnnd jhn zuom Graffen zuo Staden vnnd Hertzfeld gemacht / sein Son ist

 
 
 
 
 
 
 
Heinrich der kale.