Svmer ſvmer ſvmerzit
[184r]
Svmer ſvmer ſvmerzit·
wc vns din kvnft froͤide git·
als dú heide in gruͤne lit·
dennoch ſo mac mich troͤſten bas·
ein wib der ich noch nie vergas·
wil dú ſo wirt min froͤide wit·
vn̄ alſo wit· ſwāne ich ſi mac ſehē·
ſo iſt mime herzen dem gelich·
alſo iſt min frowe tvgende rich·
des helfent mir min ǒgen iehen·
Frowe frowe frowe min·
der dꝛi der ſolt dv eine ſin·
vn̄ aller tvgende ein keiſerin·
dv biſt dú dꝛi vn̄ biſt dú eine·
dv biſt dv́ vierde die ich da meine·
dv biſt gelich der ſvnnē ſchin·
wā ich bin· tvmp ſo iſt ſie vil wiſ·
daſ ſol div w̾de mir v̾tragē·
dc ich ir lob ſol hohe ſagen·
ſi wol geblv̊tes meien ris·
Roſe roſe roſen blv̊t·
dv biſt noch beſſer danne gv̊t·
dv biſt vil lieb vn̄ wol gemv̊t·
dú biſt min troſt min zůverſiht·
min heil min froͤide vn̄ anders niht·
din lip hat ganzer tvgende part·
mir enwart· ſo liebes nie niht kvnt·
eý frowe min ioch[WS 1] meine ich dich·
dvr alle tvgende kúſſē mich·
mit[WS 2] liehten ǒgen roter mvnt·