Svmer wil vns aber bꝛingē
[89v]
Svmer wil vns aber bꝛingē·
gruͤnē walt vn̄ vogel ſingē·
anger hat an blv̊mē kleit·
berg vn̄ tal in allē landē·
ſint erloſt vs winters bandē·
heide rote roſē treit·
ſich froͤit al dú w̾lt gemeine·
nieman truret wan ich eine·
ſit mir dv́ vil ſvͤſſe reine·
frúmt ſo manig h̾zeleit·
Sw̾ vil dienet ane lon·
mit geſange tůt ers lange·
der v̾lúret manigen don·
ICh wil al den lútē kúnden·
dc ſi lebt mit grôſſen ſv́ndē·
der ich ie was vndertan·
die ſi hat an mir v̾ſchuldet·
ſit min h̾ze kvmber dvldet·
des wil ſi ſich niht entſtan·
wie mag ſi die ſúnde buͤſſen·
mir wart nie ein lieblich gruͤſſen·
da vō wir vnſ ſcheidē mvͤſſen·
ich wil vrlob vō ir hā·
Swer vil dienet ane lon·
mit geſange tůt ers lange·
der v̾lúret manigen don·[WS 1]
Frowe dú mir voꝛ in allen·
wilent mvͤſte wol gevallen·
noch v̾nemt ein liedelin·
ir ſint ane lǒgen ſchoͤne·
doch iſt ſchoͤne dike hoͤne·
dc iſt leider an ú ſchin·
nv wil ich min ſingē keren·
an ein wib dú tugēde leren·
kan vn̄ alle froͤide me dú nigēde leren·
kan vn̄ alle froͤide meren·
ſeht der diener wil ich ſin·
Sw̾ vil dienet ane lon·
mit geſange tůt ers lange·
der v̾lúret manigen don·[WS 2]
Werdú mīne ich wil dich ſtrafē·
dv biſt gegen mir harte entſlafē·
ſit ich ſtruhte in dinú bant·
ich bin diner wibe ein toꝛe·
min ſang gat dir fúr din oꝛe·
diner helfe ich nie bevant·
hilf ich bin mit ſpilnden ǒgen·
wunt ins herze ſvnder lǒgen·
dc tet mir ein wib ſo tǒgen·
an der iſt wol dienſt bewāt·
Swer vil dienet ane lon·
mit geſange tůt ers lange·
der v̾lúret manigen don·[WS 3]
Minne heile mine wūden·
die mir in vil kvrzen ſtvndē·
vō der ſtrale din geſchach·
mich hat ob zwein liehten wangen·
ſere ir ǒgen blic gevangen·
ach was ich dar vnder ſach·
ein roten mvnt vō roͤte bꝛinnē·
dc betwāc mich in dien ſinnen·
dc ich ſi mv̊s iemer mīnen·
ir blik mir dvr min h̾ze bꝛach·
Swer vil dienet lange zit·
iſt ſin frowe in tvgēdē ſchowe·
wiſſent dc ſi lon im git·