Swer ie ſendē mv̊t gewā

Swer ie ſendē mv̊t gewā·
dur lieb d̾ rate mir·
wā ich bin ein trurig man·
d̾ kvmet mir abe vō ir·
die ich voꝛ allē frowē mir erkos·
kvmt mir^{[WS 1]} lieb̾ wā aber ſo bin ich froͤidē los·

Nv ſvlt ir mir lere gebē·
dc froͤdie an^{[WS 2]} mir geſt^ē^{[WS 3]}·
ſolde ich an ir helfe lebē·
ia lieze ich ê zerge^{[WS 4]}·
al die w̾lt ſwas mir da vō geſchehe·
mir ſint doch vinſt̾ liehte tage ſwēne ich ſi niend̾ ſehe·

Wer ich in d̾ w̾dekeit·
dc ich ir toꝛſte ſagē·
ſoꝛge die min h̾ze treit·
vō ir die ich mv̊s v̾dagē·
wād ich v̾re des vnwirdig bin ·
dc ich iem̾ iht gedenke an ſi deſt toꝛē ſin·

Noch han ich ein troͤſtelin·
dc hoͤhet mir dē mv̊t·
ſi ſpꝛechēt ſwer kan ſtete ſin·
deſ ende wirt gv̊t·
wirt ſi ſtete an mir hin zir gewar·
ſoſt min hoffenvnge^{[WS 5]}· dc ſi liebe mir rebar·

Wie wirt ir min ſtete kvnt·
ſit ich ſi niēder tar·
ſpꝛechē zedeheiner ſtūt·
ſo groſ als vmb ein har·
des fúrhte ich vil kleine an ir beiagē·
wand ir gar vnkúndig iſt min kvmb̾ vn̄ min klagē·

Anmerkungen (Wikisource)

1. Vorlage: min.
2. Vorlage: froͤide.
3. Vorlage: geſt^ē.
4. Vorlage: zergen.
5. Vorlage: offenvnge.