Swer ie senden mv̊t gewan
[315r]
Swer ie senden mv̊t gewan·
dur lieb der rate mir·
wan ich bin ein trurig man·
der kvmet mir abe von ir·
die ich vor allen frowen mir erkos·
kvmt mir[WS 1] lieber wan aber so bin ich froͤiden los·
Nv svlt ir mir lere geben·
dc froͤdie an[WS 2] mir gest^en[WS 3]·
solde ich an ir helfe leben·
ia lieze ich ê zerge[WS 4]·
al die werlt swas mir da von geschehe·
mir sint doch vinster liehte tage swenne ich si niender sehe·
Wer ich in der werdekeit·
dc ich ir torste sagen·
sorge die min herze treit·
von ir die ich mv̊s verdagen·
wand ich verre des vnwirdig bin ·
dc ich iemer iht gedenke an si dest toren sin·
Noch han ich ein troͤstelin·
dc hoͤhet mir den mv̊t·
si sprechent swer kan stete sin·
des ende wirt gv̊t·
wirt si stete an mir hin zir gewar·
sost min hoffenvnge[WS 5]· dc si liebe mir rebar·
Wie wirt ir min stete kvnt·
sit ich si niender tar·
sprechen zedeheiner stunt·
so gros als vmb ein har·
des fúrhte ich vil kleine an ir beiagen·
wand ir gar vnkúndig ist min kvmber vnd min klagen·