Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[387r]
Tǒ mit vollē· aber trúfet·
vf die roſē ane tuft·
vſſer bollen· ſchone ſlúfet·
māger loſen bluͤte kluft·
dar in ſenkēt· ſich dú vogellin·
dú gedoͤne lut erklenkent·
dc vil ſchone· kan geſin·
Bi der wúnne· wol mit eren·
ſol ſich kleiden mannes lip·
dc im kvnne· froͤide meren·
ein beſcheiden ſelig wib·
ſwer v̾ſchuldē wibes mīne ſol·
der mv̊s ringē· nach ir hulden·
mit vil dingen· tugende vol·
Swer mit ſinne· valſch kan vͤben·
als ein dieplich nach gebur·
der wil minne ſo betruͤbē·
dc ir lieplich lon wirt ſvr·
wā ſol zwiſchē· mīne mit genvht·
trúwe ī glanzer· ſtete miſchē·
dc birt ganzer froͤiden fruht·
