Vroͤit úch ſtolzē leigē

Vroͤit úch ſtolzē leigē·
d̾ ang̾ vn̄ dú heide bꝛeit·
bi dē liehtē meiē·
ſtet wūneklich bekleit·
húre wol beſvngē·
ī ſvͤzer wiſe wirt d̾ walt·
ſvm̾ hat v̾dꝛungē·
dē leidē wint̾ kalt·
blvͤnd̾ hag vn̄ lǒb vf gruͤnē lindē·
liliē roſē viol lant ſich vīden·
erwachet iſt dú nahtegal·
vn̄ tv̊t trurē ſwīden·
ir froͤiderich̾ ſchal·

Meie iſt wol geſchoͤnet·
er tůt dē vogelī ſw̾e bv̊s·
ſvͤzē luft dvrh doͤnet·
d̾ lerchē ſvm̾grůz·
ſvnnē glaſt vf heide·
durlúhtet blv̊mē vn̄ kle·
richer ǒgēweide·
wirt húre michels me·
ſwa lieb liebe eī lieblich lachē bútet·
vn̄ lieb mit liebe liebe trútet^{[WS 1]}·
dan lieb̾ wibe ſtet̾ lib·
leit mit liebe vs rútet·
in w̾der^{[WS 2]} geſelleſchaft·

Swa ſich liebe neiget·
dur lieb in liebeſ h̾zen grunt·
vn̄ lieb mīne erzeiget·
da wirt lieb liebe kvnt·
lieb̾ wibe trúwe
lieblich ſich liebet alle tage·
lieb v̾tribet rúwe·
lieb wendet^{[WS 3]} ſende klage·
liebú wib ſint aller liebe eī wūne·
lieb̾ lieb belúhtet niht dú ſvnne·
dāne lieb̾ wibe ſtet̾ lib·
ſwer zelobe iht kvnne·
d̾ lobe dú lieben wib·

Anmerkungen (Wikisource)

1. Vorlage: tútet.
2. Vorlage: im w̾de.
3. Vorlage: ſendet.