Wa hêb vf vnd nicht en vind

Wa hêb vf vnd nicht en vind·
tůt mir vil dicke leide·
her bigenot von darbion
der ist mir vil gevere·
des weinent dicke minv́ kint
boͤs ist ir snabel weide·
er hat si selten sat getan·
bis vf die froͤidenbere·
in minem hus her dv́nne habe^{[WS 1]}·
schaffet mir vngerete·
er ist zer welt ein muͤlich knabe
ir milten helfent mir des boͤsewihtes abe·
er swechet mich an spise vnd ǒch an wête·

Ich var vf der toren vart·
mit miner kv́nste zwar·
das mir die herren nicht wênt geben·
das ich ir hof wil vliehen·
vnd wil mir einen langen bart
lan wachsen griser haren·
ich wil in alter iuden leben·
mich hinnan fúrwert ziehen·
min mantel der sol wesen lang·
ties vnder einem hůte·
demuͤteklich sol sin min gang·
vnd selten me gesingen· hovelichen sang
sid mich die herren· scheident von ir gůte·

Anmerkungen (Wikisource)

1. Vorlage: haben.