We dir leid̾ wint̾ kalt

We dir leid̾ wint̾ kalt·
heide vn̄ anger vn̄ dē walt·
haſtu gar berǒbet manig̾ wūne·
ſwêre tage vn̄ ſcharfen luft·
machent iſ ſne rifen tvft·
truͤbē ſchin durh nebel git dú ſvnne·
wa nv kleiner vogelin ſvͤzes koſen·
wa lǒb gras wa lýlien viol roſen·
wa nv megde reigē vn̄d̾ linden·
ſolhe vꝛoͤide vns wīter tv̊t v̾ſwīdē·

Wie ſol ſoꝛgen werdē rat·
ſit der kalte wīter hat
blv̊mē vil geſelwet in dē ǒwē·
diſú leit darf ringe wegē
er ſol hoher froͤide enpflegē·
ſwer ein rein ſelig wib mag ſchǒwen·
ſo dc ſi mit ſteter liebe in meine·
er ſi vꝛo der wint̾ ſchat im kleine·
mīne eī wib ī reht̾ wibes gvͤte·
vúr^{[WS 1]} die blv̊mē vn̄ deſ meiē blvͤte·

Wol dir w̾der wibes lib·
wol dir hoher name ein wib·
wol dir reines^{[WS 2]} wibeſ ſvͤze mīne·
wol dir wan dv biſt ſo gv̊t·
dv kanſt gvͤtē ſvrē mv̊t·
ſendes h̾zen froͤide ein vuͤgerinne·
wol dir hoh gelobtú creatúre·
din geſelleſchaft iſt gar gehúre·
wol dir wib vn̄ wol im d̾ dich pꝛiſe·
wib dī name iſt wūne ī paradýſe·

Anmerkungen (Wikisource)

1. Vorlage: vú.
2. Vorlage: reiner.