Wie g̾ne ich mit froͤidē were
[153r]
Wie g̾ne ich mit froͤidē were·
wer vnfroͤide niht ſo wert·
nv iſt dē richen froͤide vnm̾e·
mêre iſt ſwer ir zerehte gert·
ob ich an mir ſelbē fvnde·
dc ich mih hohes mv̊tes g̾ne vnd̾wūde·
ſone fvnde ich niht dē núndē der mirs gvnde·
Ich mv̊s liebē vn̄ leidē·
leidē troſt vō ſchuldē gebē·
trúwe vn̄ ere v̾ret beidē·
beiden niemā kan gelebē·
alte ſittē ivngē lútē·
ſw̾ dv́ beide mit einand̾ nv wil trútē·
d̾ wirt gar zeſpotte kan ers niht v̾chútē·
Liezen tǒbē ſich die wiſē·
wiſē vf d̾ ſeldē vart·
ſo kvnde ich ir lebē ṕſen·
ṕſen wir ir tǒbē art·
dc mag wol ir tvgent gerúwē·
do mā alte ſach dvr zuht die ivngē blv́wē·
do ſtůnt es an erē bas vn̄ ǒch an trúwen·
Wer ſol ſich an valſchen keren·
k̾en ſich die valſchen dꝛan·
die niht gern wan valſcher eren·
erē kraft nie mā gewā·
wā d̾ eine d̾ des varte·
dc er ſo mit trúwe vn̄ ǒch mit zuht gebarte·
dc er ſich niem̾ an ir betagete noh ǒch beiarte·
We dc wir ſo kranke w̾bē·
w̾bē and̾s dāne alſo·
eſt zeivngeſt niht wā ſt̾ben·
ſterbē alſe lihte vꝛo·
ſo dc wir die tage v̾ſwendē·
ane froͤide vn̄ doh mit ſoꝛgē [153v] niht v̾endē·
wc ſol trurē fúr dc niemā kan erwendē·