Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[387v]
Willekomē ſi dú zit·
vil wūneklich·
dú mit gelfen kleidē hat·
gezieret ang̾ vn plan·
heide in liehter varwe lit·
ſi geſtet ſich·
mit rilicher ſvm̾ wat·
wan ſiht den walt gelǒbet ſtan·
da dú liebe nahtegal ir ſanc·
lute doͤnet ſunder[WS 1]
wūderlicher ſtimme klanc·
erhillet da·
blv̊mē rot gel vn̄ bla·
ſiht man durh gruͤnes gras vf gan·
Froͤiwe ſich ein ſelig man·
der mīnen krenket aber als ê·
lieb nach liebe liebeſ gan·
vō herzē wol·
vn̄ ſwendet ſinú leit·
alſam dú ſvnne kaltē ſne·
ſwa des liehten meien blv̊t·
durh dv́ ſpilndē ǒgē
tǒgen lachet in den[WS 2] mv̊t·
da geilēt wib·
mīnegernd̾ manne lip·
alſam dc tǒ dē gruͤnen kle·
