Wnneklichen hohe min gemvͤte

aus Wikisource, der freien Quellensammlung
Textdaten
Autor: Ulrich von Liechtenstein
Illustrator: {{{ILLUSTRATOR}}}
Titel: Wnneklichen hohe min gemvͤte
Untertitel:
aus: UB Heidelberg 244r und UB Heidelberg 244v
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg und UB Heidelberg
Kurzbeschreibung:
Mit aufgelösten Lettern. Vergleiche auch Wnneklichē hohe min gemvͤte in Originallettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[244r]

Wnneklichen hohe min gemvͤte·
stat des habe min frowe dank·
dú mir mit ir manicvalden gvͤte·
minen mv̊t ie hohe twanc·
dú vil reine svͤsse tv̊t mir so·
dc ich bin in aller zit von herzen fro·

Dú vil gv̊te zweierhande lachen·
lachet dv́ ich nennen wil·
dv́ kan si so minnekliche machen·
dc si sint min herzen spil·
so ich ir svͤsses lachen einest sol·
sehen so ist mir in dem herzen wol·

Eines si mit rosevarwen mvnde·
kan dc ist so minneklich·
dc ein man dar inne froͤide funde·
der ê· nie wart froͤidenrich·
si ist der minnegernden[WS 1] meýen zit·
in ir lachen froͤiden hort der svͤsse lit·

Lachen kan min tvgent richú frǒwe·
mit ir spilnden ǒgen so·
swenne ich mich dar inne rehte schǒwe·
dc ich bin von herzen fro·
swen ir ǒgen gvͤtlich lachent an·
der mv̊s iemer sin ein froͤide richer man·

Mit ir spilnden ǒgen lachen schone·
kan dú reine svͤsse wol·
des trage ich der [244v] hohen vroͤiden krone·
als ir ǒgen towes vol
werdent vs ir reines herzen grunt·
von ir lachen sa so wirde ich minnen wunt·

IR vil klein vel wîsser hals ir kinne·
mvnt bra wengel ǒgen liht·
ist der minnen spiegel da man inne·
manger hande wunne siht·
solt ich in den svͤssen spiegel sehen·
zaller zit mir kvnde[WS 2] niemer bc geschehen·

Wolde[WS 3]got solt ich ir hals ir ǒgen·
brústel kinne wengel mvnt·
mit ir gv̊ten willen kússen tǒgen·
hunder tusent tvsent stvnt·
maniger giht des were mir al zevil·
der mit wiben niht kan spiln der minne spil·

Anmerkungen (Wikisource)

  1. Vorlage: minnegernde.
  2. Vorlage: kvunde.
  3. Vorlage: Volde.