Wol dir ſvmer diner ſchoͤne

Wol dir ſvmer diner ſchoͤne·
ſid din rat der vogele doͤne·
weket vnde machet frůt·
wer kan dich vol loben iemer·
wan din kvnft erwindet nem̾
ſi git manger hande blůt·
wis· gel· bla· bꝛvn· vs eſten
dꝛingent wunnēklichē alſ· e·
doch mag ich mich des wol geſtē
das ich dienen wil der beſten·
wie es mir dar vmb erge·

MIr ir iſt ein lant beſchoͤnet
dv́ min h̾ze hat bekroͤnet·
vnd ǒch machet ſoꝛgen vri·
ſi iſt kv́ſch noch tugendenriche
in geſach nie minnēkliche
bilde· wúſſent danne ſi·
zv̊ ir kan ich nit gemeſſen
dv́ mir ie ſo nahe lag
ſi hat mich alſo beſeſſen
das ich ir nit kan vergeſſen
beidv́ nacht vnd ǒch den tag·

Schoner creatur vf erde
nie betagte nach dem werde
mv̊s ich ringen ſvnder ſpot
das gebv́tet mit dv́ minne
willekliche vs vnd inne
wil ich leiſten ir gebot·
das ſi die vil ſvͤſſen binde
als ſi mich gebvnden hat
alder mich vs ſoꝛgē winde
ob ich die genade vinde·
was da kvmbers mir zer gat·


I wil der ſumer hinnan ſcheiden·
II Langes miden von der ſuͤzen·^{[WS 1]}

Anmerkungen (Wikisource)

1. Diese zwei Zeilen stehen ganz unten rechts.