Wol zimt d̾ edelſtein ī rotē golde
[422v]
Wol zimt d̾ edel ſtein ī rotē golde·
ſam zieret einē ſchoͤnen lip·
eſ ſi ein magt ein mā ein wib·
ob er mit edelē tvgendē iſt gerichet·
dú tugēt ſi d̾ ſteī mā hab in holde·
durh dc er dienet w̾dē ſolt·
des libes ſchoͤne ſi dc golt·
er ſelig ſw̾ den beidē ſich gelichet·
fro ſolt er ſin· er ſtuͤnde er liefe· er gienge·
ſw̾ aber bi ſchoͤne vntugēde pfliget·
da ſiht mā dc in golde liget·
dc glas vn art da hat geſiget·
ſwie rot ſi vſſen ſi· vnertig innē iſt hiefe·
Dvrh einē holn ſtab mit ateme triben[WS 1]·
ſach ich vil kleiner kúgellin·
d̾ ſin da pflag d̾ vůgte pin·
vil vngewarnet māgem vogelline·
ich ſpꝛach mag voꝛ dē liſtē iht beliben·
...
dur dē ſtab runet mā v̾holn
getruw̾ mā dc bꝛīget dich zepine·
nv ſi d̾ ſtab an lugen̾en v̾boꝛgē·
d̾ ſtiftet moꝛt mit ſinē lúgen·
ob ſich die ſlehtē vō im zúgen·
vn̄ dc die kleinē vogel flúgē
vō holme ſtabe ſi moͤhtē ſenft̾n beidenthalp ir ſoꝛgen·
Zwene ſchútzē ſach ich ſpānē vn̄ ſchieſſen·
der eine wc deſ libes gros·
an dem ich ſach dc mich v̾dꝛos·
dc bein im ī dē ſpāne zitert ſere
d̾ ſchútze er vil v̾hv̊b des bunde erdꝛieſſen·
d̾ govme ſin ein michel teil·
got gebe dē kleinē ſchútzē heil·
baltliche ſpien er nach der tvgendē lere·
er ſchos ǒch ſnelle zv̊ dē viendē ſchone·
ein arger mā des gv̊tes rich·
dē groſſē ſchútzē was gelich·
dē kleinē ſchútzē dē mas ich·
zemiltē mā mit krāker habe des wart im lob zelone·
Stoc vn̄ ſteine ſchꝛaft vf helē iſe·
ſwer in der rúhe ritē ſol·
ſin pfert er ſol beſlahē wol·
er gat es ſo ſo hat er ſich gewarnet·
billich an eines mānes mv̊t ich pꝛiſe·
d̾ in d̾ w̾lte dvr dc iar·
mv̊s w̾bē vmbe deſ libeſ nar·
nv wiſſent dc er dē nuz harte erarnet·
da vō er ſich dē lúten mv̊s gelimpfen·
ich mas dē ſtoc vn̄ ǒch dē ſtein·
zē vngefuͤgē rehte allein·
die ſint d̾ w̾lt ir valſcher mein·
die ſint d̾ ſchꝛaft vn̄ ǒch dc iſ klein iſt ir frúntlich ſchimpfen·
Was tůt gar we dē h̾zē wol dē ǒgē[WS 2]·
das tůt din ſchoͤne ein wiblich wib·
ir wiblich ſchoͤne ir reiner lip·
dvr mānes ǒge im ī ſin h̾ze dꝛinget·
dar nach zehant dú liebe ſlichet tǒgē·
dvrh ǒgē mīne g̾ndem man·
im in ſin h̾ze ſvnd̾ wan·
zehant dú liebe mit dē h̾zen ringet·
ſi wūdet im ſin h̾ze vn̄ alle ſin ſīne·
es ſchat dē bid̾ben wibe niht·
die mā in ſchonē erē ſiht·
vn̄ ir wiblich̾ tvgēde giht·
ſi tůt im in dē ǒgē wol doch wūdet in dú mīne·
Swa ich des h̾ze vinde dc in rúwet
ob er ein lúzel tvgēdē tůt·
voꝛ liebe erloͤſchet im der mv̊t·
ſo ſere dc er ſich begīnet rimpfen·
dc laſt̾ bier im ſelbē tvgēde bꝛúwet·
dc bier ſich ſelbē nieſſen mv̊ſ·
zehant dú ſchande ir bꝛeitē vůſ·
ſetzet· m̾kent diſen vngelīpfē·
dē tvgendeloſer mā im ſelbē machet·
er tv̊t reht als eī veigú hût·
ſo ſi wirt bid̾bē mānes bꝛv̂t·
vn̄ er ſi hat ī erē trut·
des w̾t ſi ſich mit ſmehen ſittē ſi ſpottet[WS 3] vn̄ lachet·