Wurde ich von der gv̊ten vro

Textdaten

Autor:	Rubin
Illustrator:	{{{ILLUSTRATOR}}}
Titel:	Wurde ich von der gv̊ten vro
Untertitel:
aus:	UB Heidelberg 174r
Herausgeber:
Auflage:
Entstehungsdatum:	ca. 13. Jahrhundert
Erscheinungsdatum:	Vorlage:none
Verlag:	Vorlage:none
Drucker:	{{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle:	UB Heidelberg
Kurzbeschreibung:
Mit aufgelösten Lettern. Vergleiche auch Wurde ich vō d̾ gv̊ten vꝛo in Originallettern.
Artikel in der Wikipedia
Eintrag in der GND: {{{GND}}}
Bild
[[Bild:\|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:\|Indexseite]]

[174r]

Wurde ich von der gv̊ten vro·
wc ich danne gv̊tes noh der werlde svnge·
ich gesvnge ir lihte also·
dc es dvr dú oren in dc herze klvnge·
nv ist aber der lieben beide vnmere·
ist min kvmber ringe oder ist er swere·
so vúrhte ich dc si mines lobes verdriesse·
doh ist mir lieber lob ich si danne ob ich es lieze·

Lob ich ir vil reine ivgent·
lob ich danne ir vil minneklichen schoͤne·
lob ich danne ir vil werde tvgent·
so ich dc alles wol an ir gekroͤne·
swer dc gerne hoͤre vnd singe·
den wúnsche ich dc im liebe noh gelinge·
wil er mir alles herzeleit geverren·
so spreche ir wol sone kan mir leides niht gewerren·

Kvnde ich aller lúte leit·
als ich wolde nah dem willen min verkeren·
des were ich in vil bereit·
so wolde ich vúr truren eins dc beste leren·
ich lerte eines dc ich selbe tete·
ob ichs an der werlde volge hete·
so wart nie niht so gůt vúr vngemvͤte·
so dc man wibe schoͤne sehe vnd lobe ir gvͤte·