Doctor Brants Narrenschiff/Von ausländischen Narren

aus Wikisource, der freien Quellensammlung
Zur Navigation springen Zur Suche springen
« Von Faulheit und Trägheit Sebastian Brant
Doctor Brants Narrenschiff
Vom Verfall des Glaubens »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[132r]

Hie hab ich gstelt noch vil zuu samen
Die narren sint / vnd hant den nammen
Dern ander narren sich doch schammen



von vslendigen narren


Noch synt sunst vil vnnützer lüt
Die wuest gantz jnn der narren hüt
Vnd sint dar jnn verharret gantz
Gebunden vff des tuefels schwantz

[132v]

5
Vnd sint zuo bringen nit dar von

Will ich still schwigend für sie gon
Vnd sie lon jnn jr narrheyt bliben
Vnd von jr torheyt wenig schriben
Als Saracenen / Türcken / Heyden

10
All die vom glouben sint gescheyden

Den glich ich ouch / die kaetzer schol
Die halt zo Prag / den narren stol
Vnd hat gespreit vß jren standt
Das sie ouch hat yetz Maerrhern landt

15
Die wuest jnn die narren kappen tretten

Glich wie all die anders an betten
Dann dry person / eyn woren gott
Den vnser gloub wie eyn spott
Die ich nit für schlecht narren han

20
Sie muessen vff der kappen stan

Dann jr narrheyt so offlich ist
Das yedem tuoch zuor kappen gbrist
Des glich all die verzwifelt hant
Vnd sint verstrickt jnn tüfels bandt

25
Als dorecht frowen / boese wiber

All kuppelerin / pfowen triber
Vnd andere die jn sünden synt
Vnd jnn jr narrheyt gantz erblynt
Do mit will ich ouch deren gedencken

30
Die sich selbs doeten / oder hencken

Vnd kynd vertont / vnd die ertrencken
Die sint nit würdig der gesatz
Oder das man sie ler / vnd fatz
Doch ghoeren sie jnn narren zal

35
Ir narrheyt gibt jnn kappen all