Ein wiblich wib mit zúhtē ſpꝛach

aus Wikisource, der freien Quellensammlung
Zur Navigation springen Zur Suche springen
Textdaten
Autor: Die Winsbekin
Illustrator: {{{ILLUSTRATOR}}}
Titel: Ein wiblich wib mit zúhtē ſpꝛach
Untertitel:
aus: UB Heidelberg 217v bis UB Heidelberg 219r
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg 217v bis UB Heidelberg
Kurzbeschreibung:
In Originallettern. Vergleiche auch Ein wiblich wib mit zúhten sprach mit aufgelösten Lettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[217v]

EIn wiblich wib mit zúhtē ſpꝛach·
zir tohter d̾ ſi ſchone pflac·
wol mich dc ich dich ie geſach·
gehoͤhet ſi d̾ ſvͤſſe tac·
da din geburt vō erſt an lac·
ſit ich mit ganzer warheit wol mit wiſer lere ſpꝛechē mac·
din anblic it des meiē zit·
got ſvln wir dꝛvmbe iem̾ lobē d̾ alſo riche gabe vns git·

Des volge ich liebú mv̊ter dir·
ich lobe in ſo ich beſte kan·
er ſol d̾ ſinne helfē mir·
dc ich in ſehe mit ǒgē an·
dvrh ſine tvgende ich in des man·
ich wil in ſinē huldē lebē ob ich mir ſelbe der erē gan·
vat̾ vn̄ mv̊ter ſvn dú kint·
eren vn̄ iem̾ lerē wol dv́ in des vil gehoꝛſam ſint·

Rât liebú mv̊ter vn̄ ſpꝛich·
wie vn̄ waſ din wille ſi·
deſ ſoltv rehte bewiſē mih·
ich wil dir ſin mit volge bi·
dú ivgent wil ſin vꝛo vn̄ fri·
ir beider han ich mich v̾wegē hohvart velwet d̾ eren zwi·
ich wil min h̾ze laſſen nider·
ſwelh frowe kvmt in ſwacheſ woꝛt dú ſich des ſa v̾rihtet wid̾·

Trut kint dv ſolt ſin hohgemv̊t·
vn̄ dar vnder in zúhtē lebē·
ſo wirt din lob dē werdē gv̊t·
vn̄ ſtat din roſē krans dir ebē·
den ereg̾nden ſolt dv gebē·
mit zúhtē dinē ſenftē grůs vn̄ la in dinē h̾zē ſwebē·
ſcham vn̄ maz v̾f ſtetē pin·
ſchús wilder blike niht zevil ſwa lôſe merker bi dir ſin·

Scham vn̄ mâſſe ſint zwo tvgent·
die gebēt vnſ frowē hohē pꝛis·
lat ſi got leben in diner ivgēt·
ſo grůnet diner ſelden ris·
dv maht in erē w̾den gris·
nv rat vil liebú mv̊t̾ min dar zv̊ ſo bin ich niht zewis·
wie wilde blike ſint geſtalt·
wie vn̄ wa ich die midē ſúl dc ſi mich machē niht zebalt·

Es heiſſent wilde blike wol·
als ich ze hove gewiſet bin·
ſwēne ein wib fúr ſih ſehē ſol·
lat ſi dú ǒgē fliegē hin·
alſam ſi habe vnſtetē ſin·
vn̄ ane mâſſe dc geſchiht dc iſt ir lobe ein kranc gewin·
die melder merkent v̄ſer ſitte·
dv twinc dú ǒgē deſte bc dc râte ich toht̾ vn̄ bitte·

Mv̊t̾ v́ch ſi fúr war geſeit·
ſwie kleine ich habe d̾ iare zal·
dú fůre mir niemer wol beheit·
ſwelh wib ir ǒgē vf vn̄ zetal·
vn̄ hǒbet treit als einē bal·
vn̄ ǒch dar vnder lachet vil dv́ ṕſet niht der zúhte ir ſal·
ich wēne dc ivncfrowē mv̊t·
dú ane voꝛhte wirt erzogē· nach ir geberden dike tůt·

Sint wiſú woꝛt den w̾kē bi·
ſo ſint din ſinne niht betrogē·
ſint aber ſú gv̊ter w̾ke vꝛi·
ſo ſint dú wiſen woꝛt gelogen·
vō neſt ein vogel zefrů geflogē·
d̾ git dē andern ſich zeſpil· vn̄ wirt im ſin gevid̾ erzogē·
kint dir mac wol alſam geſchehē·
haſt in d̾ ivgende wiſú woꝛt vn̄ laſt dich tvmp an w̾ken ſehē·

Ich wil daran vnſchuldic ſin·
hvͤbe man min vnſtet vf dc ſtro·
es ahtent niht die ſinne min
iſt es vō warheit niht alſo·
ich wil min gemvͤte tragē ho·
dc minē iaren wol an ſtat min lip in eren ziehen ſol
als ie d̾ w̾den wille was·
ich wil dar an vnſchuldic ſin ob man mir treit dar vmbe has·

Sint minú woꝛt wiſe ane w̾k·
des lob ich niht es iſt ein wiht·
was ſolte mir ein guldin berc·
des ich genieſſen moͤhte niht·
ein ǒge lieht dc niht geſiht·
dc zeiget ſeltē gv̊te wege· was ob dú ſelde mir geſchiht·
dc ich in beidē obe gelige·
vn̄ diner lere volge ſo dc ich vntvgende angeſige·

Got gebe dc din dink erge·
als dv haſt willē vn̄ gedanc·
wc wil ich dāne froͤidē me·
wirt din lob niht vō ſchuldē krāc·
des ſagēt dir die beſten dank·
weiſtv niht wie div ſvͤſſe maget lvnet nah lobe mit tvgendē tanc·
vil lihte ǒch dir dc heil geſchiht·
ob man dich nv dvrh frien mv̊t ze wibes tvgendē bꝛechē ſiht·

Din wehſel rede ein ende habe·
die ſvln wir vf das riche gebē·
dc deſte groͤſſer ſi din habe·
vn̄ lere mich nach eren lebē·
gebaren vn̄ ſpꝛechē eben·
wie ich den wiſen wol behage·
dc wil ich niem̾ vbergeben·
dv̊n aber ich niht de willē din·
ſo haſtv dich enbvndē wol vn̄ mv̊s ich ſelber ſchuldig ſin·
Dv ſpꝛicheſt wol min liebes kint·
der [218r] ſvͤſſen rede ich dir wol gan·
wer weis nv wa die ſtetent ſint·
vil miſſewēdig ſint die man·
ſi tragēt nebelkappē an·
zegůten wibē ſuͤſſe rede dú meiſte menege ſpꝛechē kan·
doch innerhalb niht ane ſchaden·
v̾ſnidēt dich ir ſchappel ſan dv mv̊ſt din wange vs ǒgen baden·

Was aht ich vf ir ſchappellin·
da ſi ir frúnde triegent mitte·
ich wil fri voꝛ in allen ſin·
mich vahēt niht ir wehſelſitte·
min ſtete h̾ze ich wol erbitte·
dc eſ mih vꝛîet voꝛ vntat mich triegēt niht ir ſpehen ſnite·
ſi ſvln mich vindē in d̾ acht
dc mich v̾leſte niht ir rede got gebe in allen gv̊te naht·

Si ſagent wib habē kvrzē mv̊t·
da bi doch alle langes har·
dē gelich vil manigú leider tv̊t·
ſo ſi dc ſpꝛich woꝛt machet war·
ſwies vmb der māne vnſtete var·
wir wib wol ſoltē veſter ſin ob ichs mit hvldē redē getar·
vn̄ truͤgē in gemeinē has·
die niht ir zuht an vnſ bewarnt vn̄ ſchondē vnſer deſte bc·

Eſt komē her in altē ſittē·
voꝛ manigen iarē vn̄ tagē·
dc man dv́ wib ſol guͤtlich bittē·
vn̄ lieblich in dē herzē tragen·
ſo ſvln ſi zúhteklich v̾ſagē·
ald ab̾ ſo ſinneklich gewern· das ſis darnach niht ſere klagen·
dú ſpate rúwe iſt gar ein wiht·
da bi d̾ wandelb̾en ſpot hinnach alſo d̾ ſchade geſchiht·

Nv biſt d̾ ſinne vf rehtē wege·
deſ froͤwe ich mich vil liebes kint·
behalt ſi wol in diner pflege·
dc dich dv́ mīne iht mache blint·
vil wiſú h̾zē erkindet ſint·
vō ir gewalt dc iſt ir kvnt die rede zebeine niht enbint·
wiltv dich ir gewaltes wern·
ſo mv̊ſ got dinē ivngē lib mit ſiner hohē kraft ernern·

Min h̾ze ſich ſelbe erkēnē ſol·
d̾ mīnekraft iſt mir vnkvnt·
ich ſpꝛich es vngervͤmet wol·
ich wart nie vō ir ſtralē wūt·
vn̄ lebe noh her d̾ not geſv̄t·
frowe mīne weis dv́ h̾zen wol die ſi mac twīgē an dē grūt·
d̾ h̾zen ich niht eines trage·
da vō d̾ mīne meiſt̾ſchaft an ſiner w̾dekeit verzage·

Ob hvnd̾tvſent h̾zē kraft·
ī einē h̾zen moͤhten ligē·
d̾ ſvͤſſen mīne meiſt̾ſchaft·
im kvrzlich moͤhtē angeſigē·
ſi hat vil ſtarkú h̾zen erſtigē·
kv́nic ſalomō ſwie wiſe er was ir wart ſin h̾ze niht v̾zigē·
wil ſi dir in dc h̾ze ſmidē·
deſ kanſtv niemer dich erwern dich welle alleine got befriden·

Dv ſpꝛicheſt mv̊t̾ dē gelich·
als dich ir kraft geruͤret habe·
ſwie gar ir maht ſi krefte rich·
ich kem doch ir gewaltes abe·
ich laſſe ê tragē mich zegrabe·
ê ſi min h̾ze mit gewalt alſam ein ſpiegelholz ergrabe·
kvmt aber ſi dꝛin vn̄ ſperret zů·
geniſ ich oder bin ich tot dc ſage mir wc ich dan tv̊·

Dv gihſt ſi habe geruͤret mich·
hie voꝛ bi minē ivngē tagē·
ob es ſo hat gefuͤget ſich·
da vō wil ich dir niht vil ſagen·
ſwēne d̾ hvnt dē hirz wil iagē·
hat er iht wol genoſſen voꝛ er mag ſich deſte wirſ entſagen·
ſwer hoher mīne twingē gert·
d̾ ſol vnfůge lâſſē gar vn̄ machē ſich dē werden wert·

Bin ich dir deſte lieb̾ iht·
ob mīne twīget minē ſin·
vn̄ vō gewalte dc geſchiht·
ich wil niht ī dem zwiuel ſin·
nv tv̊ mir dinē willē ſchin·
dc gediene ich iem̾ vmbe dich gevar ich wol dv́ ere iſt din·
ich han gerihtet minē mv̊t·
ſwc dir an mir gevallet wol dc mich dc alleſ dvnket gůt·

Ich wil dir mīnē willē ſagē·
dē ſoltv reht alſo v̾ſtan·
maht dv ein kúſcheſ h̾ze tragen·
deſ mv̊ſt dv lob vn̄ ere han·
ob div mīne dir des niht gan·
vn̄ wil betwingē mir gewalt· dich dc dv mīneſt einē man·
der ſeldē iſt vn̄ eren wert·
d̾ ſol doch nah dē willē min vō dir belibē vngew̾t·

Ich wil dir deſ min trúwe gebē·
die kriſtē ê geſetzet hat·
die wile ich einē tac ſol leben·
ich bꝛiche niem̾ dinē rat·
ob mich dv́ mīne niht erlat·
ſi welle twingē mir dē ſin wirs dāne zúhte wol anſtat·
vil liebv́ mv̊t̾ ſo ger ich
ob dv die volge ſehſt an mir dc dv mit runen mideſt mich·

[218v] Ich wil din toht̾ hvͤtē niht·
din ſtet̾ mv̊t din hvͤten mv̊ſ·
ob dir vō minnē kraft geſchiht·
dc dir ze walde ſtat der fůs·
dc ſchaffe[WS 1] dir din ſtete bůs·
mac ſi ir kreftē angeſigē ſo dieneſt dv d̾ w̾dē grůs·
dú hůte pꝛuͤfet dike ſchadē·
ſwer huͤtet and̾s dāne er ſol d̾ wil zehvs vnere ladē·

Ein reine wib ī tvgēde w̾t·
dv́ wol ir erē huͤten kan·
vn̄ niht wā ſteter trúwen gert·
die ſol man ſelbe huͤten lan·
mā ſol die hůte hebē an[WS 2]·
an einē wibe tvmb̾ ſitte dú niht ir ſelben eren gan·
wā mac ir ein dinc vnd̾ſehen·
da ſi ir friheit tribet zů dc fúrbas niem̾ kan geſchehē·

Dú hv̊tē iſt niht ein ſwerer pin·
da frúnt wil mīnen frúndes rat·
tůt er es mit dem h̾zen ſchin·
ſo iſt dc ein ſwachú miſſetat·
v̾ber die an ſin erê gat·
ſo hat d̾ hůter gv̊tē mv̊t ob im dv volge bi geſtat·
ſol wiſer rat d̾ volge enb̾n·
der alſo frúnde huͤten ſol d̾ zampte lihter einen bern·

Dú hv̊te iſt wibes eren gram·
ſwa ſi vf krankē wā geſchiht·
ir ende gv̊t ich nie v̾nam·
betwūgē lieb iſt gar ein wiht·
wa ſi git hohes mv̊tes niht·
dú liebe ſol vō h̾zē komē vn̄ habē mit ſteter trúwē pfliht·
vf ane v̾luſt vn̄ vf gewin·
die and̾ liebe ſlipfic ſint alſam ein is da her da hin·

Nv laſſen wir die hv̊te varn·
vn̄ ſpꝛechē vō der mīne me·
maht dv dich voꝛ ir kraft bewarn·
als dv mir haſt v̾iehen ê·
ſwem dāne ein ſchappel ſchoner ſte·
min kint dāne dir dc dine tů da man die w̾den ſchowē ge·
dc laſſe ich iemer ane has·
es mac ein wib wol ſchoͤner ſin enkeinú lebt ī zúhtē bc·

Dv lobeſt mich liebú mv̊t̾ min·
alſam ir kint ein mv̊t̾ ſol·
ich lige dir ī dem h̾zen din·
vn̄ tv̊n dir in den ǒgē vol·
mī trúwe iſt ǒch gegē dir niht hol·
dv biſt mir lieb̾ dāne min lip d̾ liebe iſt gar min h̾ze vol·
nv ſage mir ob dú mīne lebe·
vn̄ hie bi vnſ vf erde ſi ald ob vnſ in den lúftē ſwebe·

EIn wiſer man ouidiꝰ·
d̾ tv̊t vnſ wund̾ vō ir kunt·
er giht ſi ſi genāt venꝰ·
ſi mache ſvͤſſe h̾zen wūt·
vn̄ nach ir willē wid̾ geſvnt·
dú ſelbē aber wider ſiech dc iſt ir wehſel alle ſtvnt·
ir willē niht endꝛinnē mac·
ſi vert vnſihtic als ein geiſt ſi en hat niht růwe naht noch tac·

Sint ellú herzē in ir gebot·
d̾ eren ich ir niht engan·
er w̾dent liehtú ǒgē rot·
ſvln hohe gern die nidern man·
vō den keī ere w̾den kan·
vn̄ ſvln die hohē nid̾ gern der got ſich wūd̾lich v̾ſan·
d̾ ir gewalt ſo witē mas·
die hohē ſoltē hohe gern die nidern nider dc ſtvͤnde bas·

Dú hohe edel mīne w̾t·
dú wirbet ſvnd̾ wan niht ſo·
wā ſi niht wā d̾ h̾ze g̾t·
die ſi mit zúhtē vindet fro·
dú zúhet ſi mit ir ſo ho·
dc ſi v̾ſmahēt ſwachē mv̊t ſi lat des niht dvrh fúrſtē dꝛo·
ſi ſlieſ ein h̾ze inſ ander gar·
die nach ir willē ir behagent d̾ nidern nimt ſi keine war·

Fv́r war ſi tete mir gewalt·
ob ſi betwūge mir dē ſin·
dc mir min h̾ze wurde balt·
vf miner ſeldē vngewin·
vn̄ wid̾ minē mv̊t da hin·
da vō min ere wurde krāc deſ ich noch her erlâſſē bin·
wil es dú mīne niht enb̾n·
ſo twīge nach ir erē mich des mv̊s ich vf genade gern·

Ich wil dir liebú mv̊t̾ me·
vō w̾der mīne tvgēde ſagē·
wie es vmb ir gelêſſe ſte·
ſi mac ein h̾ze niht getragē·
dc mit vntvgēden iſt v̾ſlagē·
da wil ſi ane zwiuel niht benahtē inne noch betagē·
es mv̊s gereinet innē ſin·
ê dc ſi vſſen klopfe dꝛan iſt es alſo ſi ſitzet dꝛin·

Ich han gehoͤꝛet vn̄ geſehē·
ſwie gar d̾ iare ein kint ich ſi·
dc erlich heinlich iſt geſchehē·
da einhalp was niht erē bi·
ir mvgēt ǒch noch geſchehē dꝛi·
iſt da dv́ mīne ſchvldic an· ſo ſi eht miner trúwē fri·
ſi ſol niht lâſſē hohe gern
ein nid̾ h̾ze tvgēde kranc vn̄ gern dē hohē nid̾ gew̾n·

Der fúrwitz machet krankē mv̊t·
da iſt dv mīne vnſchuldig an·
ſw̾ ſinē reht vnrehte tv̊t·
d̾ eren niht gehuͤten kan·
ein iegeſlich man im ſelben gan·
er ſv̊chet ob er vindē mac dc iſt behendeklich [219r] getan·
d̾ alſo gǒches fúre pfligt·
da zúhet ſich dú mīne vō wā ſi dú h̾ze in tvgende wigt·

Hat mīne ſo gelopte ſitte·
als mir din mv̄t v̾iehen hat·
dc ich da lange wid̾ ſtritte·
dc w̾e an mir ein miſſetat·
ſit dc ir hof ī erē ſtat·
ſo wolt ich ir geſide ſin w̾e es din helfe vn̄ ǒch din rat·
ob ſi mich in ir ſchůle neme·
ſo lere mich ir regel ſo dc es mir wol an eren zeme·

Dv haſt dich ſinneklich bedaht·
d̾ ſelikeit ich dir wol gan·
ob dv d̾ rede volgē maht·
mit w̾ken dc iſt gv̊t getā·
d̾ mīnē regel ich vil wol kan·
die wil ich alle lerē dich vn̄ hebe alſo zem erſtē an·
ein wib dú lobes vn̄ eren ſi·
dú nide ein and̾ dꝛvmbe niht dú ǒch ſi miſſewende fri·

Anmerkungen (Wikisource)

  1. Vorlage: ſchaſſe.
  2. Vorlage: han.