Het mich d̾ wint̾ bas v̾laſſen

Het mich d̾ wint̾ bas v̾laſſen·
gen dē ſum̾ ſvnge ich húbſchē ſang·
nv mv̊ſ ich mich froͤidē ſanges mâſſen·
ſit min hohgemvͤte iſt woꝛdē kranc·
bꝛud̾ tot birt mir groſſe ſw̾e·
wiſſent dc ich froͤide gar v̾bere·
wan dc ſt̾ben iſt gemeinú not·
Jch bin dꝛierhande ſchadē·
vaſte vb̾ladē·
 
So iſt ein ander ſw̾e dú mich twīget·
dc die h̾rē mv̊teſ ſint ſo kranc·
vn̄ ir tvgēde niemā dar zů bꝛinget·
dc mā ſinge houelichē ſang·
hie bi voꝛ waſ ir dank niht kleine·
nv iſt ir lon den leider vngemeine·
dien ir h̾ze ī froͤidē ſwebte enboꝛ·
Jch bin dꝛierhande ſchadē·
vaſte vb̾ladē·^{[WS 1]}

So iſt d̾ dꝛitte ſchade mir gar zeſw̾e·
der ich lange her gedienet han·
dú tůt reht alſ ob ir ſi vnm̾e·
ſwas ich ir zedienſte habe getan·
wer ir lon· gegē mir bc erſchoſſē·
dienſteſ wer ich iem̾ vnu̾dꝛoſſen·
vn̄ ſvnge ir noh vil manigē don·
Jch bin dꝛierhande ſchadē·
vaſte vb̾ladē·^{[WS 2]}
 
Ob ich nv u̾durbe vō der ſchulde·
dc d̾ to mir vngenade tv̊t·
vn̄ ich darbte miner frowē hulde·
dc w̾e gar v̾zagteſ māneſ mv̊t·
vmb dc ich d̾ ſchande
ſvmelich̾ hoͤꝛe ī tútſchē^{[WS 3]} lande
ich wilſ ellů dꝛú v̾ſůchen bas·
Ich bin dꝛierhande ſchadē·
vaſte vb̾ladē·^{[WS 4]}

Anmerkungen (Wikisource)

1. Vorlage: Jch bin dꝛier hande· ⁊c̾·
2. Vorlage: Jch bin dꝛier·
3. Vorlage: tútzē.
4. Vorlage: Ich bin·