In dem lvfte ſvͤſſen meýen

IN dem lvfte ſvͤſſen meýen·
ſo d̾ walt gekleidet ſtat·
ſo ſiht man ſich ſchone zweien·
alles dc iht liebes hat·
vn̄ iſt mit einander vꝛo·
dc iſt^{[WS 1]} reht dv́ zit wil ſo·

Swa ſich lieb zeliebe zweiet·
hohē mv̊t dv́ liebe git·
in der beider h̾ze meiet·
es mit froͤiden ellú zit·
trurenſ wil dú liebe niht·
ſwa man lieb bi liebe ſiht·

Swa zwei lieb einand̾ meinēt·
h̾zeklichē ane wanc·
vn̄ ſich beide deſ v̾einent·
dc ir lieb iſt ane kranc·
die hat got zeſamne geben·
vf ein wūnekliches leben·

Stete libe heiſſet mīne·
liebe mīne iſt alein·
die kan ich ī mime ſinne·
niht gemachē wol zv̊ zwein·
liebe mv̊s mir mīne ſin·
iemer in dem herzen min·

Swa ein ſtete h̾ze vindet·
ſtete liebe ſtetē mv̊t·
da vō al ſin trurē ſwindet·
ſtete liebe iſt alſo gůt·
dc ſi ſtete froͤide git·
ſtetē h̾zen alles zit·

Moͤhte ich ſtete liebe vindē·
d̾ wolde ich ſo ſtete ſin·
dc ich da mit vb̾windē·
wolde gar die ſoꝛge min·
ſteter liebe wil ich gern·
vn̄ vnſtete gar v̾bern·

Anmerkungen (Wikisource)

1. Vorlage: ich.