Nv git aber der ſuͤſſe meie
[384v]
Nv git aber der ſuͤſſe meie·
ſelde vn̄ ere maniger leie·
blv̊mē rot gel vn̄ blāc·
dur dc gruͤne gras vf dꝛingēt·
da bi kleine vogel[WS 1] ſingent·
alſo froͤiderichē ſanc·
dc dú heide erkrachet·
vn̄ der wūnekliche walt·
vs dem ſwarzē doꝛne lachet·
wîſſe blůt vil manicvalt·
Wol dem māne der mit wibe·
diſē ſvmer ſo v̾tribe·
dc er liebes wirt gewert·
heý wie dem ſin leit v̾ſwindet·
wand er nach dem wūſche vindet·
alleſ des ſin h̾ze gert·
reiner wibe guͤte·
bc dan al des meien blv̊t·
froͤwet māneſ gemvͤte·
wan ſi ſint fúr trurē gv̊t·
Swer ſin h̾ze welle entſtrickē[WS 2]·
vs den ſoꝛgen der ſol bliken·
an dú reinē gv̊ten wib·
vinde er da niht ſelde vn̄ ere·
ſone geſv̊che niem̾ mere·
froͤide an keiner ſtat ſin lip·
wib ſint ane lǒgē·
b̾nder wūne ein meien ris·
es lit vnder wibes ǒgē·
aller froͤiden paradýs·