Uerholnú mīne ſanfte tůt

Uerholnú mīne ſanfte tůt·
do ſang ein wahter an d̾ zinne·
doch ſol ſich lieb vō liebe ſcheidē·
dar nach ſo wēde er ſinē mv̊t·
iſt iemā tǒgēlich hīne·
deſwar ſo tůt er wol ī beidē·
er ſol^{[WS 1]} ſoꝛgē·
wie er vō hīnē kere·
eſt an dē moꝛgē
volge er min̾ lere·
ſit dc ich in warnē ſol·
ſo tůt er wol
vn̄ ſint ſin ere·

Der frowē dien̾inne klůg·
erhoꝛte da des waht̾s ſingē·
dar īne erſchꝛak dv́ vil getrúwe·
dú mêr ſi hin ze der frowē trůg·
ſi ſpꝛach wol vf vn̄ lânt ú līgē·
der tag iſt kom̄e da hv̊b ſich rúwe·
eſt âne ſúnde
ſpꝛach dú tvgētriche·
d̾ in ſo ſúnde
ligē mīnekliche·
erſt entſlafē nv ſich hie
in weis niht wie
ich entwiche·

Die rede erhoꝛte d̾ w̾de gaſt·
da er lag bi der mīneklichē·
bi liebes bꝛuſt an blankē armē·
da vō in ſlafes do gebꝛaſt·
er ſpꝛach ſol ich vō hinnā ſt́chen·
owe das mvͤſ got erbarmē·
beider ſīne·
wurdē da v́ſeret·
dc ſchůf fro mīne·
froͤide gar v̾keret·
da ſchied leid d̾ wūnē ſpil·
der trehene vil·
wart da gereret·

Anmerkungen (Wikisource)

1. Vorlage: ſol ſol .