Wafen vber die ſchande ſi geſchꝛiêt· dú vil eren vꝛiet

Wafen vber die ſchande ſi geſchꝛiêt· dú vil eren vꝛiet·
alter vn̄ ivgent·
genv̊ge milte weren· ob die laſterberen·
niht zeſpotte bꝛehten ſi mit ſchalle·
d̾ ſiht mā ſo vil vf allen ſtrâſſen· dc dvrh ſi mv̊s laſſen·
maniger ſine tvgent·
der nv fúrhtet ſere· das man im v̾kere·
dc er lebe niht als die boͤſen alle·
der kargē manicvaltekeit ſtroͤꝛet richer ſeldē hoꝛt·
wil ieman zeh̾zen tvgende zvken· die mv̊s er v̾dꝛvken·
reht als einen moꝛt·
voꝛ den aller boͤſten· durh dc er der groͤſten·
vn̄ der meiſten menge wol gevalle·

Wer aber ich ein h̾re vꝛies mv̊tes· ſo wolt ich des gv̊tes
deſte milter ſin·
dc man vindet húte· me geſchant̾ lúte·
dāne gerter lebe in diſen ziten·
trúwe vn̄ ere glentzent deſte vaſter· dc mein vn̄ laſter·
gebent ſo truͤben ſchin·
ob die lúte vmbe ere· wurben alle ſere·
wie moͤhte ieman danne lob erſtriten·
dc arge bi dem gv̊ten erger vn̄ boͤſer lúhtē kan·
vn̄ dc gůte beſſer bi dem argē· da vō ûz^{[WS 1]} dē kargē·
tvgendericher man·
kan vil ſchines bꝛingē· als ûz^{[WS 2]} kiſelingē·
ſchone gliſſēt edele margaritē·

Anmerkungen (Wikisource)

1. Vorlage: vnſ.
2. Vorlage: alſus.