Die Schedelsche Weltchronik (deutsch):001

v10 <<<Vorheriges Blatt	Die Schedelsche Weltchronik    Blatt I	Nächstes Blatt>>> 002
unkorrigiert	Dieser Text wurde noch nicht Korrektur gelesen. Allgemeine Hinweise dazu findest du bei den Erklärungen über Bearbeitungsstände.

 

v10 verso:

Wikisource-Hinweise zum Register:

• Die alphabetische Ordnung richtet sich lediglich nach den ersten beiden Buchstaben.
• Der Eintrag kann sich auch auf der Folgeseite befinden, da die Blattzählung abweicht.
• Geprüfte Links, die direkt auf den Eintrag führen, sind mit   gekennzeichnet.

---

Victor babst auß Affrica puertig	CIIII	Wilckil oder willigis ertzbischoff zu Maintz	CLXXXVII
Victoria ein edle iunckfraw	CXX	Wilhalm graf zu holland roemischer kaiser	CCXII
Vincencius leuit vnd heilliger man	CXXIIII	Windische land vnd sein gelegenheit	CCLXXX
Vitus ein kind vnd martrer cristi	CXXV	Wollen ist deßmals von den wolcken gefallen	CXXXIII
Vier die gekroenten martrer	CXXV	Wolffgangus der.xi.bischoff zu Regenspurg	CLXXXII
Victor heilliger man vnd martrer	CXXVII	Wunderwerck sind geschehen in der gepurt cristi	XCIII
Vigilius babst ein roemer der gepurt	CXLIIII	wunderwerck vil sind auch deßmals geschehen	CLI
Vitigis ein koenigin Gothorum	CXLV	wunderlich mensch mit zwayen hawbten ist deßmals geporn	CLXXXII
Vitalianus babst ein goetlicher man	CLIII	wunderzaichen deßmals gesehen	CXCCIII[1][2]
Vigilius ein bischoff edler gepurt	CLIIII	Darnach deßgleich wundergestalte ding sind auch deßmalßs erschinen	CCVIII CCL vnd LVII
Vinsternus der sunnen ist deßmals gewest	CLXXXVI	wunderlicher weiß ist deßmals ein maydlein gepornn	CCLX
Victor der ander babst vormals zu Eystet bischof	CXCI	XEnarchus ein naturlicher maister vnnd iungert Strabonis	XCVII
Victor der drit babst vormals ein abbt	CXCIII	xerses ein koenig affiriorum	XXVI
Vincentius auß cathelania puertig prediger ordens	CCXXXVI	YPolitus des romischen geschlechts	CXXI
Vincentius auß burgundia puertig prediger ordens	CCXIIII	ysaac ein sone abrahe aller tugen vol	XXVI
Vlrich bischoff zu Augspurg	CLXXX	ysis hat die egyptier die schrift gelernet vnnd prot auß dem getraydt zemachen	XXIX
Vlixes mit seiner geselschaft ward in die gestalt der thier verwandelt	XLI	ysayas ein edler prophet	LII
Vlm die statt wie die beruembt sey	CXC	ysaac ein beruembter arzt	CXCII
Vngern sein von den bayern vnd Schwaben nyder gelegt	CLXXIIII	ysuardus ein closterman vnd der schrift hoherfarn	CLXVI
Vngerland vnd gschiht darinn	CCLXIX	yuo ein bischoff und iurist	CXCIII
Volusianus roemischer kaiser	CXXI	yuo ein hohberuembter doctor	CCXXVII
Vrbanus der erst babst ein roemer	CXVI	ZAleucus hat gesetzge/ macht wider den ehebruch	LX
Vrsula heilige wirdige iunckfraw	CXXXVIII	zacharias vn Elisabeth sein haußfraw	XCIIII
Vrbanus babst der ander	CXCIII	zacharias babst aus kriechenland	CLXIII
Vrbanus der dritt babst von Maylannd puertig	CCIIII	zawberin ist von dem teuefel hingefurt nach irem todt	CLXXXIX
Vrbanus der fuenft babst	CCXXXI	zepherinus babst ein roemer	CXIIII
Vrbanus der sechst babst von Neapolis	CCXXXII	zeno des roemischen reichs ein kaiser	CXLI
Vrbanus der vierdt babst auß gallia	CCXIII	zaichen dein deßmals an den himel gesehen bedeuettent pluetuergiessung der menschen	CXLVI
Vulpinianus ein rechtgelerter	CXVII	zoroastes hat ein seiner gepurt gelacht	XXII
Wasserguss ist deßmals gewest gleich der sindfluss	CXLIX	zizimus babst ein kriechischer man	CXXXIII
Walpurg ein heilige iunckfraw	CLXXII	zweyunsibentzig voelker sein entsprungen von dreyen sonen Noe	XIIII
Walfart hat sich zu disen zeitten erhaben erfunden vom teuefel	CCXIIII	zwen vnd sibentzig außleger werden die sein	LXXVII
Walachey die gegent vnnd geschiht darinn	CCLXXI	zwolfpotten sein deßmals in die werlt außgetaylt	CII
Welsche land vnd sein gelegenheit was darinn geschehen ist	XLV vnd CCLXXXVI	zwayung oder scisma das ander deßmals geschehen	CXXXI
Wein wie den Noe zum ersten pflantzt hat	XI XXVIII	zwayung oder scisma dz drit het anfang	CXXXI
Wentzeslaw ein sone caroli des vierden roemischer kaisers	CCXXXIII	Jtem mer CXLII Das. xxij. ist deßmals geschehen	CCXXXII
Welt wie die nit ewig sunde vergengklich sey	CCLIX vnd LXI	Die vbrigen hie nit angesagt finstu vnder den buechstaben oben C und S.
Weib hat deßmals einen leben geporon	CCXVII
Wentzelaw der ander koenig zu beham	CCXVIII
Wentzelaw der dritt koenig zu beham	CCXX
Westual die gegent vnd gelegenheit	CCLXXX
Wienn statt in oesterreich wenn vnd von weme sie gepawt sey	XCVIII
Wuertzburg statt wie sie erpawt sey	CLX
Wilbold hertzog vnd koenig auß Engelland heilliger bischoff	CLXII

I recto:

Ein kurtze beschreybung des wercks der sechs tag von dem gescho^epff der werlt die vorrede. Fo. .I.

DIeweill bey den allergelertisten vnd fu^ernamsten mannen die die waren natur vnd geschicht beschriben haben von geschopff der welt. vnd von erster geburt der menschen zwayerlay wone ist. So wollen wir von disen vordern zeiten: den anfang nemende auf das ku^ertzst schreiben: Souil sich von souer (alters halben) enthlegnen dingen gezimen wil. Etlich haben gemaint das die werlt vngeporn vnd vnzersto^erlich: vnd das menschlich geschlecht von ewigkeit her gewesen sey. vnd anfang einichs vrsprungs nit gehabt hab. Etlich mainten die werlt geboren vnd zursto^erlich seyn. vnd sagten das die menschen anfang der gepurt genomen hetten. Vnd die kriechischen hocherlewchten mann durch die die hystorien vnd geschichten versamelt worden sind. haben auch veriehen das vor anbegynen aller ding des himels vnd der erden dieweill noch yde ding beyaynander waren ein eynige form gewesen sey: vnd darnach nach absunderung vnd zerteylung der beyeinander gewesen pu^erde. die werlt dise ordnung vnd gestalt die wir sehen empfangen hab. Sie sagen das der in bewegnus stetiger lufft vnd feu^erig tayl irer oberen stett von leichtheit wegen begert haben. vnd das auß diser vrfach die sunn vnd menig der stern in dem krais des ganzen gescho^epffs vmbgetragen werden. Aber der tunckel vnd irdisch teyl sey mitsambt den feu^echten dingen an die nidersten ort von swerheit wegen abgestigen: nach dem aber dise ding wermischt waren so wer auß den feu^echten das mer. vnd auß den hertten dingen. das lettig vnd gantz weich ertreich worden. Als aber das ertreich erstlich auß hitz der sunnen dicker worden wer vnd dar in faulfeu^echtigkeiten mit dynnen hewtlein bedeckett erwuchsen do wer alßdann von solcher pfu^etschen mancherlay gestalt der lebenden entstanden. vnd die, die souill merer wirm empfangen hetten gerieten zu geflu^egele hin in die obern gegent. Aber die trucknere vnd schwerere warden zu krychenden vnd irdischen thieren. die ding die ein wasserige natur erlangt hetten warden in das element ires geschlechts getragen. Als nw darnach das ertreich auß hitz der sunen vnd von den winden du^err worden was da warden mit versamelter vermischung manlichs vnd frewlichs geschlechts volkunner dig geboren. diss bezewgt euripides tragicus ein iunger anaxagore des natu^erlichen maisters. Sie sprechen in der selben weis die menschen von anfang geporen in den felderen die wayd suchende eins wilden vnd vngeordenten lebens gelebt. den die krewter vnd fru^echt der bawm williglich narung geraicht haben. Aber wiewoll wir gar vil nit allain lateinisch vnd kriechisch sunder auch Caldeysch vnd hebreysch alt vnd new gelert sehen die zu erzelung diss dings geschriben haben. So wo^ellen wir doch die alten irthum verlassen vnd beschawen die verporgen mosayschen schrifften von der werlt gescho^epff vnd von den wercken der sechs tag sagende. dar in die heimlichen ding der gantzen natur begriffen werden. Dan Moyses der prophet ein vater der geschichtbeschreiber gottes vol: vnd auß himlischer dichtung des heiligen geistes des maisters der gantzen warheit hat dise ding alle begriffen. dem nit allain die vnsern. sunder die seinen vnd auch die heydnischen gezeu^egnus seiner menschlichen weyshait vnd erfarung aller lere. vnd schrifft gegeben haben. Von den Salomon in seinen buch der weysheit als ein außleger der natur der wesenden ding: veriehen hat. das er so^elche lere von den inneren dingen des gesetzs moysi genomen hab. Diser ist (als Lucas vnd Philon bey den unseren fast tapfer lerer sagen) In aller lere der egyptier hoherfaren gewest. So spricht Hermippus das Pitagoras vil dings in sein philosophey auß den mosayschen gesetz gewendt hab. Numenius philosophus sagt. nichts anders platonen sein dann den atticischen moysen. den in dem anfang seins wercks. von der natur. von dem gescho^epff der gantzen werlt sind gleich als eckere oder felder eins schatzs aller warer weysheit vergraben: vnd diss ist erstlich beschehen an dem ende do er von aller dinge außflus auß got. von dem stapfel. von der zale. von der ordenung der werntlichen teill also hoh vnd weyslich redet. Darumb was es bey den alten hebreyschen ein gesetz ( des auch Jeronimus gedenckt) das niemant dan der zeitigs alters wer zu diser bescho^epfung der werlt raichen solt. Was aber die heiligsten mann Ambrosius vnd Augustinus. Item Strabo vnd Beda vnd Remigius. Vnd auß den iungeren Egidius vnd Albertus. vnd auch bey den kreichischen Philon Origenes Basilius Theodorus Appolinarius Didimus Gernadius Chrisostomus etc. vber diss buch geschriben haben das wirt von vns gantz vnberu^et bleiben. Auch wo^ellen wir von den dingen die Jonethes oder anchelos oder Simeon der alt in Caldeyschen gezu^eng: oder auß den hebreyschen Eleazadus Aba Joannes Neonius ysaac Josephus Gerfonides Sadias Abraham etc. haben beschriben hie bey keyn meldung thun sunder in gestalt kurtzer beschreibung auß den propheten moyse einfu^eren die ordenung der sechs tag von gotlichem gescho^epff der werlt. do von in den verporgen schrifften des heiligen glawbens meldung geschicht.

Als nw got das gescho^epff der werlt gemacht hett do hot er den ersten vnd gro^esisten sun fu^ergesetzt dem vnermessen werck vnd sich des selben als eins radtgeber vnd werckmeisters in ertrachtung. zierung vnd machung der ding gepraucht. Dann der selb ist an klu^egheit vnd vernunfft vnd macht volkummen. Es ist auch zefragen warauß got dise so grosse vnd so wunderperliche ding gemacht hab. dann er hat alle ding gemacht auß nichten. daru^emb ist gar uil gerechter vngeachtet der vnentpfintlichen vnd eiteln ding die augen do hin zu wenden da der stul. da die wonung des waren gottes ist. der das ertreich mit bestendiger vestikeit. auffgehenckt den himel mit scheinenden sternen vnderschiden die allerclarsten sunnen vnd ainig liecht zu beweysung seiner ainigen mayestat den menschlichen dingen angezu^endet. das ertreich mit dem mere vmbringet. die wasserflu^es mit ewigen abfal zefliessen gebotten vnd den felderen sich auß zepraiten. den talleren sich zesencken. den walden sich mit lawbgewachs zebedecken. vnd die staynigen perg auffzesteigen verschaffet hat. Aber dise ding alle hat nit der Jupiter gemacht sunder der werckmeister der werlt der vrsprung des pesseren der genent wirt got. des anfang nit mag begriffen noch auch sol gesucht werden. Gnug ist den menschen zu volkumner klugheyt so er (das got sey) versteet vnd annimbt vnd eret den gemainen geperer menschlichs geschlechts vnd den pawmeister wunderperlicher ding. Die alten haben von dreyerlay werlt gesagt. von der obersten als der englischen oder vberuerstentlichen. von der himlischen. vnd von der vnder den monde. dar inn wir wonen. diss ist die werlt der finsternus. Aber ihene des lichts der himel wirt von licht vnd finsternus gemaßigt. On diese drey ist noch ein vierde werlt in der auch alle die ding die in den anderen werlten sindt gefunden werden vnd diß ist der mensch. In der schul ist ein gemains spruchwort das der mensch die kleine werlt sey. dar inn ein auß den elementen vermischter leib vnd himlischer gaist vnd die wachsende sele der pflantzen. vnd die sinlichkeit der vnuernu^eftigen thier vnd die vernunfft vnd englisch gemu^et vnd gotes gleichnus gesehen wirdt. Von disen dreyen werlten hat moyses genugsamlich gesagt als got die geordent hat in massen im auch (als wir lesen) auff den perg do er das gelernt hat gepotten ward alle ding nach den ebenpild das er auff dem perg sahe zemachen. Was nw der mosaysch buchstab von den volbrachten wercken der sechs tag lere: das wollen wir ku^ertzlichen erzelen.

---

1. WS: Schreibfehler im Original. Die Zahl ist syntaktisch falsch und diese Seite existiert nicht.
2. WS: Die Reihen sind links und rechts nicht bündig! Die Reihe 'wunderzaichen ist 5 Reihen voraus >> schlecht zu korrigieren!